Արցախի նախագահն ԱԺ խմբակցությունների հետ քննարկել է ստեղծված իրավիճակը
06-11-2020 16:15:25 | Արցախ (ԼՂՀ) | Հասարակություն
Արցախի Հանրապետության նախագահ Արայիկ Հարությունյանը խորհրդարանի խմբակցությունների հետ քննարկել է ստեղծված իրավիճակն ու դրանից բխող հնարավոր քաղաքական որոշումների կայացման հետ կապված հարցերը: Այս մասին Հարությունյանը գրել է «Ֆեյսբուք»-ի իր պաշտոնական էջում:
«Սիրելի ՛ հայրենակիցներ, քիչ առաջ հանդիպել եմ Արցախի Հանրապետության Ազգային ժողովի խմբակցությունների հետ: Քննարկել ենք ստեղծված իրավիճակը և դրանից բխող հնարավոր քաղաքական որոշումների կայացման հետ կապված հարցեր: Այս պայմաններում խիստ կարևոր է պետական բոլոր մարմինների միասնական ու ներդաշնակ աշխատանքը՝ հանուն Հայրենիքի պաշտպանության սուրբ գործի»,- գրել է Արցախի նախագահը:
Արցախի դեմ սեպտեմբերի 27-ից Ադրբեջանի` Թուրքիայի և վարձկան-ահաբեկիչների աջակցությամբ սանձազերծած ռազմական գործողությունների ընթացքում երեք անգամ` հոկտեմբերի 10-ին Ռուսաստանի, հոկտեմբերի 18-ին Ֆրանսիայի, հոկտեմբերի 26-ին ԱՄՆ-ի միջնորդությամբ հայտարարվել է հրադադարի մասին, սակայն Ադրբեջանը ուժի մեջ մտնելուց րոպեներ անց խախտել է դրանք, ձեռնարկել դիվերսիոն գրոհներ, հրետակոծել առաջնագիծն ու խաղաղ բնակավայրերը։
ՀԱՅԵՐԵՆ
Русский
English
Դաս. հայերեն
French
