ԵՐԵՎԱՆ, 18 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 17-ին Երեւանի Ալ.Սպենդիարյանի անվան օպերայի եւ բալետի պետական ակադեմիական թատրոնում տեղի ունեցավ Հայաստանի 20-րդ դարի լավագույն մարզիկ Ալբերտ Ազարյանի ծննդյան 80-ամյա հոբելյանին նվիրված տոնակատարությունը, որի ընթացքում ցուցադրվեցին ազարյանական ելույթների բացառիկ կադրեր: Հոբելյարին շնորհավորեցին ՀՀ սպորտի եւ երիտասարդության հարցերի նախարար Արմեն Գրիգորյանը, Երեւանի փոխքաղաքապետ Կամո Արեյանը: ՀԱՕԿ-ի նախագահ Գագիկ Ծառուկյանը Ա.Ազարյանին պարգեւատրեց «Տրդատ 3-րդ Արշակունի» մեդալով եւ ավտոմեքենայով:

---