Այս տարի միասնական քննությունների կազմակերպիչներ կլինեն
նաեւ ուսանողները
24-05-2010 19:56:00 | Հայաստան | Հասարակություն
ԵՐԵՎԱՆ, 24 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 24-ին Երեւանում
մեկնարկեցին Միասնական քննությունների կազմակերպիչների
վերապատրաստումները: Ինչպես «ՆՏ»-ի թղթակցին հայտնեց Գնահատման եւ
թեստավորման կենտրոնի (ԳԹԿ) մամուլի խոսնակ Գայանե Մանուկյանը,
մինչ օրս վերապատրասումներ անցկացվել են Հայաստանի մարզերում:
Ընդհանուր առմամբ այս տարի վերապատրաստմանը մասնակցում են 450
կազմակերպիչներ:
Նա նշեց, որ ի տարբերություն նախորդ տարիների այս տարի
միասնական քննությունների կազմակերպիչներ, բացի ուսուցիչներից,
ընտրվել են նաեւ ուսանողները` 3-4-րդ կուրսերի կամ
մագիստրատուրայի: Ըստ նրա, ուսանողների մասնակցությամբ ապահովվում
է գործընթացին հասարակության մասնակցությունը: «Հետագայում
նախատեսում ենք նաեւ ծնողների, հասարակության այլ շերտերի
մասնակցությունը այս գործընթացին»,- ասաց Գ.Մանուկյանը :
ԳԹԿ-ի մամուլի խոսնակը հայտեց նաեւ, որ առաջիկայում
կվերապատրաստվեն միասնական քննությունների գործընթացին մասնակից
ԳԹԿ-ի ներկայացուցիչները եւ քննական կենտրոնների ղեկավարները: