Ֆրանսիան սովորելու ոչինչ չունի ձեր ռազմատենչ ռեժիմից․ ֆրանսիացի պատգամավորի կոշտ պատասխանը Ալիևին
03-11-2022 13:08:00 | Հայաստան | Ի՞նչ է գրում մամուլը
Հայկական ժամանակ. Ֆրանսիայի Սենատի պատգամավոր Միշել Տաբարոն պատասխանել է Ադրբեջանի նախագահ Իլհամ Ալիևին, որն Արաբական պետությունների լիգայում իր ելույթի ժամանակ Ալժիրի ցեղասպանության հարցում Ֆրանսիայի հասցեին «ցինիկ մեղադրանքներ է ուղղել»:
Տաբարոն «Թվիթեր»-ի իր բլոգում գրել է.
«Ֆրանսիան ոչ մեկից սովորելու բան չունի ու հատկապես ավտորիտար և ռազմատենչ ռեժիմից, Թուրքիայի ժխտողական դաշնակցից, որը ժխտում է Հայոց ցեղասպանության գոյությունը, ոտնահարում Հայաստանի Հանրապետության ինքնիշխանությունը և սպառնում հազարավոր քաղաքացիական անձանց անվտանգությանը, Ալի՛և»:
Ալժիրում, որտեղ այս օրերին տեղի է ունենում Արաբական երկրների լիգայի 31-րդ գագաթնաժողովը, Ալիևը հայտարարել է․ «Ալժիրի ժողովրդի դեմ ոճրագործությունները կատարել է Ֆրանսիան: Այդ ջարդերից 1.5 մլն մարդ է մահացել: Աշխարհը չպետք է մոռանա ֆրանսիացիների արածը»։
Հիշեցնենք՝ նույն գագաթնաժողովում Ալիևը նաև հայտարարել էր, որ Սաուդյան Արաբիայի կողքին է Իրանի դեմ պայքարում:
ՀԱՅԵՐԵՆ
Русский
English
Դաս. հայերեն
French
