Ֆրանսիան ճանաչել է իր պատասխանատվությունը հրեաների
արտաքսման համար
17-02-2009 17:45:00 | Ֆրանսիա | Միջազգային
ՓԱՐԻԶ, 17 ՓԵՏՐՎԱՐԻ, ՆՈՅՅԱՆ ՏԱՊԱՆ: Ֆրանսիայի բարձրագույն
իրավաբանական մարմինը ճանաչել է պետության «պատասխանատվությունը»
Երկրորդ համաշխարհային պատերազմի ժամանակ հրեաների արտաքսման
համար, հաղորդում է BBC-ն:
Պետական խորհուրդը հայտարարել է, որ ֆրանսիական պետությունը
թույլատրել է եւ մասամբ աջակցել հրեաների արտաքսմանը
համակենտրոնացման ճամբարներ առանց նացիստների կողմից հարկադրանքի:
Սակայն խորհուրդը նաեւ խոստովանել է, որ Ֆրանսիան փոխհատուցում է
վճարել զոհվածների հարազատներին, «որքանով որ դա հնարավոր է եղել
պատճառված կորուստների համար»:
1942-ից 1944 թվականներին մոտ 76 հազար հրեաներ են արտաքսվել
Ֆրանսիայից Վիշիի պրոնացիստական կառավարության կողմից: 1995
թվականին երկրի այդ ժամանակվա նախագահ Ժակ Շիրակը պաշտոնապես
ընդունել էր ֆրանսիացի հրեաների արտաքսման համար Ֆրանսիայի
պատասխանատվությունը: