Ղրղզստանը ԱՄՆ-ի հենակայանի հարցը կքննարկի հաջորդ շաբաթ
05-02-2009 17:27:00 | Ղրղզստան | Միջազգային
ԲԻՇՔԵԿ, 5 ՓԵՏՐՎԱՐԻ, ՆՈՅՅԱՆ ՏԱՊԱՆ: Ղրղզստանի խորհրդարանը
«Մանաս» կոալիցիոն ավիահենակայանի տեղակայման մասին ԱՄՆ-ի հետ
համաձայնագրի դենոնսացման հարցերը քննության կառնի հաջորդ
շաբաթվանից ոչ շուտ, հայտնել է «Ակ Ժոլ» կառավարամետ
խմբակցությունից խորհրդարանի պատգամավոր Ավթանդիլ Արաբաեւը:
«Այդ հարցը կառավարության առաջարկությամբ ներառված է փետրվարի
աշխատանքային ծրագրում, սակայն, ընթացակարգերի համաձայն,
դենոնսացման օրինագիծը սկզբում պետք է քննարկվի ճյուղային
հանձնաժողովներում, խորհրդարանական խմբակցություններում,
այնուհետեւ ներկայացվի պալատի քննարկմանը»,- հայտարարել է
Արաբաեւը: