ԱՄՆ-ում հայց է ներկայացվել ընդդեմ ԱՄՆ-ի պետքարտուղար Հիլարի
Քլինթոնի
30-01-2009 15:47:00 | ԱՄՆ | Միջազգային
ՎԱՇԻՆԳՏՈՆ, 30 ՀՈՒՆՎԱՐԻ, ՆՈՅՅԱՆ ՏԱՊԱՆ: ԱՄՆ-ում հայց է
ներկայացվել դատարան ընդդեմ ԱՄՆ-ի պետքարտուղար Հիլարի Քլինթոնի:
Հայցատուները` պետդեպարտամենտի աշխատակից Դեյվիդ Ռոուդարմելը
եւ Judicial Watch իրավապաշտպանական կազմակերպությունը, որ
ներկայացնում է նրա շահերը, պահանջում են ոչ սահմանադրական ճանաչել
Քլինթոնի նշանակումը ԱՄՆ-ի բարձրագույն դիվանագիտական պաշտոնում:
Հազիվ թե դա կարող է խանգարել Քլինթոնին մնալու
պետդեպարտամենտի ղեկավար, սակայն այդ գործը ակներեւաբար չի
ավելացնի նրա ժողովրդականությունը, քանի որ հայցը սահմանադրական
հիմքեր ունի:
Խնդրի էությունն այն է, որ մինչեւ իր նշանակումը Քլինթոնը
սենատոր է եղել: Մինչդեռ, ըստ Սահմանադրության, ոչ մի օրենսդիր «չի
կարող Միացյալ Նահանգներին ի ծառայություն որեւէ քաղաքացիական
պաշտոնում նշանակվել այն ժամանակաընթացքում, որի համար նա ընտրվել
է, եթե... դրա հետ կապված ռոճիկը մեծացվել է նշված
ժամանակամիջոցում»: Կոնգրեսի վերին պալատում Քլինթոնի աշխատանքի
ժամանակ, հայցադիմումի համաձայն, կաբինետի անդամների դրույքները
երեք անգամ բարձրացվել են: