Որոշակի ծրագրեր են քննարկվում. Պեսկովը՝ Պուտինի ու Փաշինյանի հնարավոր հանդիպման մասին
05-05-2023 15:01:54 | Հայաստան | Ի՞նչ է գրում մամուլը
Հայկական ժամանակ. ՌԴ նախագահի մամուլի քարտուղար Դմիտրի Պեսկովը, պատասխանելով հաջորդ շաբաթ Մոսկվայում Վլադիմիր Պուտինի և Հայաստանի վարչապետ Նիկոլ Փաշինյանի հնարավոր հանդիպման մասին հարցին, ասել է, որ քննարկվում են «որոշ պլաններ», սակայն հորդորել է «առաջ չանցնել»:
Ավելի վաղ Փաշինյանը հայտարարել էր հաջորդ շաբաթ Մոսկվա այցելելու մտադրության մասին։
«Առայժմ, եկեք առաջ չընկնենք, որոշակի ծրագրեր են քննարկվում: Հենց այս քննարկումն ավարտվի, մենք համապատասխան հայտարարություն կանենք: Առայժմ դա ժամանակավրեպ ենք համարում»,- լրագրողներին ասել է Պեսկովը՝ պատասխանելով հարցին այն մասին, թե արդյոք նախատեսվու՞մ են բանակցություններ:
Հիշեցնենք՝ երեկ Պրահայում ՀՀ վարչապետ Նիկոլ Փաշինյանը հայտարարել էր, որ հաջորդ շաբաթ մեկնելու է Մոսկվա։
ՀԱՅԵՐԵՆ
Русский
English
Դաս. հայերեն
French
