Համաշխարհային բանկը հայտարարել է տնտեսական ճգնաժամի
հետեւանքով գլոբալ սովի սպառնալիքի մասին
26-01-2009 17:01:00 | Իսպանիա | Միջազգային
ՄԱԴՐԻԴ, 26 ՀՈՒՆՎԱՐԻ, ՆՈՅՅԱՆ ՏԱՊԱՆ: Համաշխարհային բանկի
մասնագետների կանխատեսումներով, սննդամթերքի գների աճի պատճառով
աշխարհում միլիոնավոր մարդկանց կարող է սով սպառնալ: Այս մասին
Համաշխարհային բանկի ներկայացուցիչները հայտարարել են Մադրիդում
անցկացվող գագաթնաժողովում, որը նվիրված է համաշխարհային պարենային
ճգնաժամին, հաղորդում է BBC-ն:
Բանկի պատվիրակության անդամների կարծիքով, միլիոնավոր
մարդկանց սպառնացող սովի պատճառ կարող են դառնալ սննդամթերքի
անկայուն գները եւ շարունակվող ֆինանսական ճգնաժամի հետեւանքները:
Համաշխարհային բանկի աշխատակիցները հայտարարել են, որ ողջ
աշխարհում կառավարությունների անգործության դեպքում հետեւանքները
կարող են ցավալի եւ տխուր լինել: