Լաչինի միջանցքի հարցը ԵԽԽՎ–ում կարող է քննարկվել հունիսի 22–ին
19-06-2023 15:13:20 | Հայաստան | Ի՞նչ է գրում մամուլը
Sputnik. ԵԽԽՎ ամառային լիագումար նստաշրջանի օրակարգը հայկական կողմը դեռ չի ստացել։
Եվրոպայի խորհրդի խորհրդարանական վեհաժողովի ամառային լիագումար նստաշրջանում Լաչինի ազատ և անվտանգ մուտքի ապահովման հարցի հրատապ քննարկումը հնարավոր է տեղի ունենա հունիսի 22–ին: Տեղեկությունը Sputnik Արմենիային հայտնել է ԵԽԽՎ հայկական պատվիրակությունը։
«Հայկական կողմը դեռևս չի ստացել նստաշրջանի օրակարգը, սակայն ամենայն հավանականությամբ այդ քննարկումը տեղի կունենա»,– ասացին պատվիրակությունից։
ԵԽԽՎ–ում ամառային լիագումար նստաշրջանն անցկացվելու է հունիսի 19-23-ը։
Հիշեցնենք՝ Փոլ Գավանը 2022-ի հոկտեմբերին՝ ԵԽԽՎ աշնանային նստաշրջանի լիագումար նիստի ընթացքում, դատապարտելով ադրբեջանական ագրեսիան, հայտարարել էր, որ Ադրբեջանի կողմից հարձակումը տեղի է ունեցել ՀՀ ինքնիշխան տարածքի նկատմամբ։
ԵԽԽՎ Բյուրոն հունվարին որոշեց «Լաչինի միջանցքի շրջափակման հումանիտար հետևանքները» թեման ուղարկել ԵԽԽՎ Միգրացիայի, փախստականների և տեղահանվածների հարցերով հանձնաժողով՝ զեկույցի պատրաստման համար։
ՀԱՅԵՐԵՆ
Русский
English
Դաս. հայերեն
French
