Ալեքսանյանը զենքի գնման վերաբերյալ թվեր հրապարակեց, ըստ որի՝ պարզ է դառնում՝ ով է հայրենավաճառությամբ զբաղվել. տեսանյութ
26-06-2023 15:47:43 | Հայաստան | Ի՞նչ է գրում մամուլը
Հայկական ժամանակ. «Քաղաքացիական պայմանագիր» խմբակցության պատգամավոր Վահագն Ալեքսանյանն այսօր Ազգային ժողովում իր ելույթի ժամանակ անդրադարձավ նրան, թե ինչո՞ւ խորհրդարանական ընդդիմությունը չի ցանկանում մասնակցել 44-օրյա պատերազմի մանրամասները քննող քննիչ հանձնաժողովի նիստին։
«Սա առաջին անգամը չէ, որ ընդդիմությունն իր կողմից Սահմանադրության մեջ ամրագրած ու դրա առաջամարտիկը լինելով հանդերձ՝ նոր թեզեր է առաջ քաշում, դրա վառ օրինակը հանդիսանում է ԱԺ քննիչ հանձնաժողովի աշխատանքները բոյկոտելը կամ այդ աշխատանքներից ընդդիմության գլխապատառ փախուստը։ Դաշնակցականները և հանրապետականը չէին ցանկանում լսել, որ, օրինակ, 2008-2018 թվականներին ՀՀ-ն գնել է ընդամենը 345 միլիարդ դրամի զենք։ Դա 1 միլիարդ դոլարից էլ քիչ է։ 2018-2020 թվականները ընկած հատվածում ՀՀ-ն գնել է 609 միլիարդ դրամի զենք, այսինքն՝ 3 տարում 10 տարվա գնածի կրկնապատիկը։ Սա հայրենավաճառության մասին փաստական ապացույց է, և բնական է, որ ընդդիմությունը պետք է հրաժարվեր քննիչ հանձնաժողվին մասնակցելուց»,- ասաց նա:
Ալեքսանյանի խոսքով՝ հասկանում է, թե որտեղից են գալիս ընդդիմության սեփական վստահելիության ու հավանության ռեյտինգի մասին պատկերացումները, բայց խնդրում է դա չպրոյեկտել իրենց քաղաքական ուժի վրա. «Ամեն դեպքում, եթե հակադարձումներ ունեք, եկեք հանձնաժողով և տվեք։ Չկա մի բան, որ դուք արտաբերեք որպես մեղադրանք, և դա չունենա հստակ պատասխան, դրա պատճառով դուք գլխապտույտ փախուստի մեջ եք քննիչ հանձնաժողովի աշխատանքներից»:
Այնուհետև Ալեքսանյանը հռետորական հարց ուղղեց ընդդիմությանը․ «Այսօր նիստից 15 րոպե ուշ եկաք, բան կա՞ր նիստից առաջ, որին փորձեցիք չմիանալ»։
Հիշեցնենք՝ ԱԺ-ն այսօրվա նիստից առաջ մեկ րոպե լռությամբ հարգել էր Վիգեն Խաչատրյանի հիշատակը, որին ներկա չէին եղել ընդդիմադիր պատգամավորները։ Նրանք ներս էին մտել դահլիճ նիստը սկսվելուց 15 րոպե հետո։
ՀԱՅԵՐԵՆ
Русский
English
Դաս. հայերեն
French
