Տեղի է ունեցել «Ռինգի ասպետները» ֆիլմի շնորհանդեսը
08-01-2009 15:14:00 | Հայաստան | Սպորտ
ԵՐԵՎԱՆ, 8 ՀՈՒՆՎԱՐԻ, ՆՈՅՅԱՆ ՏԱՊԱՆ: ՄՕԿ-ի հովանու ներքո եւ
ՀԱՕԿ-ի նախաձեռնությամբ «Ժառանգություն» ծրագրի շրջանակներում
նկարահանվել է «Ռինգի ասպետները» ֆիլմը: Օպերատոր Էդվին Գրիգորյանի
ֆիլմը ներկայացնում է հայկական բռնցքամարտի անցած ճանապարհը`
օլիմպիական առաջին չեմպիոն Վարազդատ Արշակունուց մինչեւ մեր օրերը:
Հատկապես հիշարժան են Մելբուռնի օլիմպիադայի չեմպիոն Վլադիմիր
Ենգիբարյանի մենամարտերի բացառիկ դրվագները:
Ֆիլմի շնորհանդեսը տեղի է ունեցել Կ.Դեմիրճյանի անվան ՄՀՀ-ում
կազմակերպված Հայաստանի բռնցքամարտի ֆեդերացիայի ամանորյա տոնական
երեկոյին: