Այդքան շատ կյանքեր այս չնչին արդյունքի համար. Մասկը` Ուկրաինայի հակահարձակման մասին
18-09-2023 14:52:14 | Հայաստան | Ի՞նչ է գրում մամուլը
Sputnik. Գործարար Իլոն Մասկը հայտարարել է հակահարձակման ձախողման և Ուկրաինայի ԶՈւ–ի մեծ կորուստների մասին։
Ուկրաինան չափից շատ մարդ է կորցրել, բայց չի կարողացել էապես առաջ անցնել հակահարձակման ժամանակ։ Այս մասին X սոցցանցում գրել է ամերիկացի գործարար Իլոն Մասկը` մեկնաբանելով ուկրաինական հակահարձակման ձախողման մասին ՏՏ ներդրող Դևիդ Սաքսի գրառումը։
«Այդքան շատ կյանքեր այս չնչին արդյունքի համար», – Մասկի խոսքերն է մեջբերում ՌԻԱ Նովոստին։
Վերջին շրջանում Մասկը քննադատության կենտրոնում էր հայտնվել Ղրիմի մերձակայքում «Starlink» արբանյակային ինտերնետի անջատման հետ կապված, ինչի պատճառով ձախողվել էր սևծովյան նավատորմի նավերի վրա ուկրաինական ծովային անօդաչուների գրոհը։
Մասկի` նախորդ շաբաթ լույս տեսած կենսագրության մեջ այս որոշումը բացատրվում է նրանով, որ ինքը չէր ցանկանում, որ «SpaceX» ընկերությունը ներգրավված լիներ «պատերազմի մեծ գործողությանը»։ Ավելի ուշ ինքը` միլիարդատերը, «Starlink»–ը միացնել հրաժարվելը կապել էր նրա հետ, որ դա թույլ չեն տալիս ամերիկյան պատժամիջոցները, որոնք այդ թվում նաև Ղրիմի վրա են տարածվում։
Ուկրաինայի ԶՈւ–ն արդեն 4 ամիս է` հակահարձակում է իրականացնում Հարավային Դոնեցկի, Արտյոմովսկի և Զապորոժիեի ուղղություններով` մարտի նետելով ՆԱՏՕ–ի պատրաստած և արևմտյան ռազմական տեխնիկայով զինված բրիգադները։
Սակայն նրանց չի հաջողվել հաջողության հասնել ռազմաճակատի և ոչ մի հատվածում։ Ուկրաինական բանակի կորուստներն արդեն իսկ գերազանցել են 70 հազար մարդը և 18 հազար միավոր տեխնիկան։
Վլադիմիր Պուտինի գնահատականներով` դա ձախողում է։ ԶԼՄ–ներն ու ԱՄՆ–ի և Եվրոպայի ռազմական փորձագետները ևս գրում են, որ Կիևի ամառային գործողություններն անհաջողության են մատնվել։ Միևնույն ժամանակ նրանք նշում են ռուսական ականապատ դաշտերի և էշելոնացված պաշտպանության արդյունավետությունը։
ՀԱՅԵՐԵՆ
Русский
English
Դաս. հայերեն
French
