Վաղ առավոտից քաղաքացիները փողոցներ են փակում, կան բերման ենթարկվածներ, այդ թվում՝ Անդրանիկ Թևանյանը
22-09-2023 10:34:08 | Հայաստան | Ի՞նչ է գրում մամուլը
Ազատություն. Վաղ առավոտյան քաղաքացիները փակել էին Երևանի Մյասնիկյան պողոտան, կարճ ժամանակով փակվել էր նաև Սարյան փողոցը։
Կան բերման ենթարկվածներ, բերման ենթարկվածների թվում է նաև ընդդիմադիր նախկին պատգամավոր Անդրանիկ Թևանյանը։
Ոստիկանությունը բերման ենթարկվածների թիվ դեռ չի հաղորդում։
Երեկ ընդդիմությունը հանրահավաքի ժամանակ կոչ արեց այսօր առավոտից փակել Երևանի փողոցները և դա անել այնքան ժամանակ, մինչև հասնեն Նիկոլ Փաշինյանի հեռացմանը։
«Ես ձեզ հավաստիացնում եմ կարգապահ և միասնական ջանքերով շատ կարճ, նույնիսկ օրերի ընթացքում դա տեղի է ունենալու», - նշեց Անդրանիկ Թևանյանը:
Երեկ ընդդիմությունը հարթակից նաև հայտարարեց, որ այսօր փորձելու են շրջափակել Կառավարության շենքը, որպեսզի խափանեն գործադիրի այսօրվա նիստը: Ցուցարարներն այս պահին հավաքվում են նաև Հանրապետության հրապարակում։