Շուշի-Լաչին ճանապարհին ռուս խաղաղապահների բենզատարը շրջվել է․ կայանված հայկական մարդատարներ են բռնկվել
28-09-2023 13:14:13 | Հայաստան | Ի՞նչ է գրում մամուլը
factor.am Շուշի-Լաչին ավտոճանապարհին ռուս խաղաղապահներին պատկանող «Կամազ» մակնիշի բեռնատար է շրջվել, ինչ հետևանքով հրդեհ է բռնկվել։ Այս մասին հայտնում է Ադրբեջանի ԱԻՆ-ը։ Հաղորդվում է, որ 8 տոննա տարողությամբ բենզատարը շրջվել է ճամփեզրին։ Պատահարի հետևանքով բռնկվել են նաև հայերի պատկանող «Համմեր» և «Մերսեդես» մակնիշի ավտոմեքենաները, որոնք կայանված են եղել ճանապարհի եզրին։
Ըստ ադրբեջանական կողմի՝ հրշեջ-փրկարարները մարել են կրակը՝ կանխելով դրա տարածումը հարակից տարածքներ։
Ռուսական կողմից ու Արցախի իշխանություններից միջադեպի վերաբերյալ տեղեկություններ չկան։ Չի հաղորդվում նաև տուժածների մասին։