ԼՂ-ում տեղի ունեցածի սցենարը հենց Էրդողան-Պուտին հանդիպման ժամանակ է գրվել. Գարո Փայլան
10-10-2023 10:22:36 | Հայաստան | Ի՞նչ է գրում մամուլը
Հայկական ժամանակ. Սոչիում Էրդողանի ու Պուտինի հանդիպումից հետո ԼՂ նախագահ Արայիկ Հարությունյանը հրաժարական տվեց, որից օրեր անց էլ Ադրբեջանը հարձակվեց: Այս մասին Հանրային ՀԸ «Հարցազրույց» հաղորդման եթերում նշեց Թուրքիայի խորհրդարանի հայազգի նախկին պատգամավոր Կարո Փայլանը:
Նրա խոսքով՝ Ռուսաստանն ու Պուտինը չեն ցանկանում, որ Հարավային Կովկասում ժողովրդավարական պետություն գոյություն ունենա, որովհետև այն կարող է այլ պետությունների համար օրինակ լինել, իսկ դա վտանգավոր է ռուսական վարչակազմի համար։
Փայլանի կարծիքով` ԼՂ-ում տեղի ունեցածի սցենարը հենց Էրդողան-Պուտին հանդիպման ժամանակ է գրվել:
«Այս սցենարի վերջնական նպատակը ժողովրդավարական Հայաստանի ավարտն է, ՌԴ կողմից Հայաստանի ներառումը միութենական պետության կազմում` որպես երկրորդ Բելառուս, ուստի եթե ամբողջ աշխարհի հայերը` որպես մեկ ժողովուրդ հասկանում են դա, ապա պետք է համախմբվեն այս մեծ վտանգը կանխարգելելու համար»,- ասաց նա:
ՀԱՅԵՐԵՆ
Русский
English
Դաս. հայերեն
French
