27-12-2023 12:45:26 | Հայաստան | Ի՞նչ է գրում մամուլը
Ազատություն. Մոսկվան պատրաստ է օգնություն ցուցաբերել Բաքվին և Երևանին՝ խաղաղության պայմանագրի շուրջ աշխատանքներն ավարտելու հարցում, «Իզվեստիա» հեռուստաալիքին տված հարցազրույցում ասել է Ռուսաստանի նախագահի մամուլի քարտուղար Դմիտրի Պեսկովը։
«Վերջերս երկու կողմերն էլ մեկ անգամ չէ, որ պատրաստակամություն են հայտնել ավարտին հասցնելու աշխատանքները խաղաղության պայմանագրի շուրջ, Ռուսաստանը պատրաստ է օգնել նրանց, պատրաստ է ողջունել դա»,- նշել է Կրեմլի ներկայացուցիչը։
Ռուսաստանը չի պարտադրում իր միջնորդությունը, բայց հասկանում է խաղաղության պայմանագրի շուրջ աշխատանքների ավարտի կարևորությունը, ասել է Պեսկովը։
«Մեզ համար շատ կարևոր է, որ մեր երկու գործընկերները, դաշնակիցները՝ ոչ միայն ԱՊՀ շրջանակներում, այլ նաև մեր զարգացած երկկողմ հարաբերությունների շրջանակներում, հնարավորինս արագ կնքեն այս համաձայնագիրը»,- հայտարարել է Պեսկովը՝ հավելելով՝ դա կապահովի խաղաղության, կայունության և կանխատեսելիության մթնոլորտ Կովկասում, ինչը կարևոր է Մոսկվայի համար։
ՀԱՅԵՐԵՆ
Русский
English
Դաս. հայերեն
French
