Մ-2 ավտոճանապարհից դեպի Ջերմուկ տանող ճանապարհահատվածը միակողմանի փակ է
23-03-2024 10:43:25 | Հայաստան | Ի՞նչ է գրում մամուլը
1lurer. Ինչպես ավելի վաղ հայտնել էինք, դեպի Ջերմուկ տանող ավտոճանապարհի 2-րդ կմ-ին քարաթափում է տեղի ունեցել:
Մարտի 23-ին՝ ժամը 08։00-ի դրությամբ, ճանապարհը միակողմանի փակ է։
«Վայքի ՃՇՇ» փակ բաժնետիրական ընկերության աշխատակիցները շարունակում են իրականացնել քարերի հեռացման աշխատանքներ։ Այս մասին հայտնում է ՀՀ ՆԳՆ փրկարար ծառայությունը:
Հիշեցնենք, որ մարտի 20-ին՝ ժամը 11:56-ին, Վայոց ձորի մարզային փրկարարական վարչության ճգնաժամային կառավարման կենտրոն ահազանգ էր ստացվել, որ Մ-2 ավտոճանապարհից դեպի Ջերմուկ քաղաք տանող ճանապարհահատվածին տեղի է ունեցել քարաթափում՝ ճանապարհը երկկողմանի փակվել է։
Պարզվել էր, որ Մ-2 միջպետական ավտոճանապարհից դեպի Ջերմուկ քաղաք տանող ավտոճանապարհի 2-րդ կմ-ին տեղի էր ունեցել քարաթափում (մոտ 300 խմ):
ՀԱՅԵՐԵՆ
Русский
English
Դաս. հայերեն
French
