ԵՐԵՎԱՆ, 16 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: ՀՀ շարժական կապի
գլոբալ համակարգի ծառայությունների մատուցման երրորդ օպերատորի
գործունեության լիցենզիա եւ ռադիոհաճախականությունների օգտագործման
թույլտվության տրամադրման մրցույթում հաղթող ճանաչվեց «Ֆրանս
Տելեկոմ» ընկերությունը: Նման որոշում հոկտեմբերի 17-ին կայացրեց
Հանրային ծառայությունները կարգավորող մարմինը: Ըստ հաստատված
կանոնների, «Ֆրանս տելեկոմ»-ն արդեն Հայաստանում գրանցել է տեղական
ընկերություն` «ՖՏԱ Տելեկոմ» անվամբ, որն էլ համարվում է նախնական
լիցենզավորված` մինչեւ օրենքով սահմանված չորսշաբաթյա ժամկետի
ավարտից հետո ընկերությանը վերջնական լիցենզիայի եւ
թույլտվությունների տրամադրումը:
Ինչպես նշեց հանձնաժողովի Հեռահաղորդակցության վարչության պետ
Գեւորգ Գեւորգյանը, ընկերությունը առաջիկա երկու տարիների
ընթացքում մարզերում պետք է հիմնի 42 գրասենյակներ եւ պարտավոր է
այդ ժամանակահատվածում GSM բացօթյա ծածկույթ ապահովել Երեւանում եւ
հանրապետության 42 քաղաքներում, 200 գյուղերում, ինչպես նաեւ ՀՀ
տրանսպորտային միջպետական` Երեւանը Վրաստանին եւ Իրանին կապող
մայրուղիների երկայնքի 85 տոկոսում: