ՆՅՈՒ ՅՈՐՔ, 9 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Խոշոր ավտոարտադրող «Ֆորդ Մոթորը» բանակցություններ է վարում չինացի իր գործընկեր Changan Automobile Group ընկերությանը «Վոլվոյի» արտադրության վաճառքի շուրջ: Այս մասին հաղորդում է «Ռոյթերը»: Changan խմբի նախագահ Հու Լիուպինը «Ֆորդի» եւ «Վոլվոյի» հետ բանակցություններ է վարել Գուանչժոու չինական քաղաքում վերջին ավտոմոբիլային շոուի ժամանակ: Բանակցությունների մանրամասների մասին չի հաղորդվում: Changan-ը Չինաստանի վեց ամենախոշոր ավտոմոբիլային ընկերություններից մեկն է:

---