ՎԱՇԻՆԳՏՈՆ, 23 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: ԱՄՆ-ում ավիատոմսեր
գնող ուղեւորները շուտով պարտավոր կլինեն ավելի շատ
տեղեկություններ տրամադրել իրենց մասին, քան անհրաժեշտ է հիմա:
Այդպիսին են թռիչքների անվտանգության ապահովման նոր ծրագրի
պայմանները, որի ներդրման մասին հայտարարել է ԱՄՆ-ի ազգային
անվտանգության նախարար Մայքլ Չերտոֆը:
Գոյություն ունեցող պրակտիկայի համաձայն,
ավիաընկերությունները ուղեւորից պահանջում են միայն նրա
անուն-ազգանունը, եւ ընդ որում բոլորովին ոչ միշտ են ստացված
տեղեկատվությունը համեմատում այն անձանց ցուցակների հետ, որոնք
հետախուզվում են իրավապահ կառույցների կողմից: Իսկ հիմա պարտադիր
կագով նրանց հարկ կլինի հայտնել ոչ միայն անունը, այլեւ սեռը,
ինչպես նաեւ ուղեւորների ծննդյան օրը:
Ենթադրվում է, որ նոր ծրագիրը կներդրվի 2009 թվականի հենց
սկզբից ԱՄՆ-ի ներքին ավիաչվերթների համար եւ փոքր-ինչ ավելի ուշ`
միջազգային չվերթների համար: