ՎԱՐՇԱՎԱՅԻ ՄԻՋԱԶԳԱՅԻՆ ՄՐՑԱՇԱՐՈՒՄ ՀԱՅԱՍՏԱՆԸ ՆԵՐԿԱՅԱՑՐԱԾ ԵՐԿՈՒ
ԲՌՆՑՔԱՄԱՐՏԻԿՆԵՐԸ ԴԱՐՁԱՆ ՄՐՑԱՆԱԿԱԿԻՐ
17-03-2008 16:30:00 | Լեհաստան | Սպորտ
ՎԱՐՇԱՎԱ, 17 ՄԱՐՏԻ, ՆՈՅՅԱՆ ՏԱՊԱՆ: Մարտի 16-ին Լեհաստանի
մայրաքաղաք Վարշավայում ավարտվեց բռնցքամարտի աշխարհահռչակ մարզիչ
Ֆելիքս Շտամմի միջազգային ավանդական հուշամրցաշարը: Հայաստանից
մրցումներին մասնակցում էին երկու մարզիկներ` Հովհաննես Դանիելյանը
(48 կգ, Երեւան) եւ Հրաչյա Ջավախյանը (60 կգ, Վանաձոր):
Եչրափակիչում Հ.Ջավախյանը հաղթանակ տարավ եւ գրավեց առաջին տեղը,
իսկ Հ.Դանիելյանը միավորներով զիջեց մրցակցին եւ բավարարվեց 2-րդ
տեղով:
Հիշեցնենք, որ նշված երկու բռնցքամարտիկները դեռեւս անցյալ
տարեվերջին իրենց համար ապահովել են Պեկինի օլիմպիական խաղերի
մասնակցության ուղեգիր: