ԵՐԵՎԱՆ, 10 ՀՈՒԼԻՍԻ, ՆՈՅՅԱՆ ՏԱՊԱՆ: Հուլիսի 8-ին Կիեւում ավարտվեց սուսերամարտի Եվրոպայի առաջնությունը: Հայաստանը մրցումներում ներկայացնում էր միայն վաստակավոր մարզիչ Ալբերտ Գրիգորյանի անվան սուսերամարտի մասնագիտացված մարզադպրոցի սան, խոցասուսերակիր Սպարտակ Հարությունյանը: Մարզադպրոցի փոխտնօրեն Մարիետա Կարագյանը «ՆՈՅՅԱՆ ՏԱՊԱՆ»-ի թղթակցին հայտնեց, որ դեռեւս 16 տարեկան Սպարտակը ամենակրտսերն էր 103 մասնակիցների պայքարում, ուստի նրա գրաված 78-րդ տեղը դժգոհելու տեղիք չի տալիս: Նշվեց նաեւ, որ ՌԴ սուսերամարտի երիտասարդական հավաքականի ավագ մարզիչ, օլիմպիական խաղերի արծաթե եւ բրոնզե մեդալակիր Աշոտ Կարագյանը հիացած է երիտասարդ խոցասուսերակրի բնածին օժտվածությամբ եւ նրան հեռանկարային մարզիկ է համարում:

---