2008 Թ.-Ի ՀՈՒՆՎԱՐԻՆ ՆԱԽՈՐԴ ՏԱՐՎԱ ՆՈՒՅՆ ԱՄՍՎԱ ՀԱՄԵՄԱՏ
ՀԱՅԱՍՏԱՆԻ ՀՆԱ-Ն 9,9%-ՈՎ ԱՃԵԼ Է
21-02-2008 13:54:00 | Հայաստան | Տնտեսություն
ԵՐԵՎԱՆ, 21 ՓԵՏՐՎԱՐԻ, ՆՈՅՅԱՆ ՏԱՊԱՆ: 2008թ.-ի հունվարին
Հայաստանում արտադրված ՀՆԱ-ի ծավալը կազմել է 101 մլրդ 207,9 մլն
դրամ (մոտ 329,85 մլն ԱՄՆ դոլար), ինչը 9,9%-ով գերազանցում է
նախորդ տարվա նույն ամսվա ցուցանիշը: ՀՀ Ազգային վիճակագրական
ծառայության տվյալներով, ՀՆԱ-ի ինդեքս-դեֆլյատորը կազմել է 6,5%:
Արդյունաբերական արտադրանքի ընդհանուր ծավալը 2008թ.-ի
հունվարին կազմել է 51 մլրդ 726,2 մլն դրամ` նախորդ տարվա համեմատ
աճելով 0,1%-ով, իսկ առանց ադամանդի արտադրության` 50 մլրդ 720,9
մլն դրամ` աճելով 1,9%-ով: Գյուղատնտեսության համախառն արտադրանքը
կազմել է 13 մլրդ 747,9 մլն դրամ եւ նախորդ տարվա աճել 0,2%-ով,
շինարարության ծավալը կազմել է 7 մլրդ 35,9 մլն դրամ եւ աճել
79,7%-ով:
Մանրածախ առեւտրի շրջանառությունը 2008թ.-ի հունվարին կազմել
է 57 մլրդ 835,7 մլն դրամ, կամ նախորդ տարվա հունվարիից 10,7%-ով
ավելի, իսկ ծառայությունների ծավալը` 37 մլրդ 95 մլն դրամ, կամ
7,4%-ով ավելի:
2008թ.-ի հունվարին, նախորդ տարվա նույն ամսվա համեմատ,
սպառողական գների ինդեքսը կազմել է 106,6%, իսկ արդյունաբերողների
արտադրանքի գների ինդեքսը` 107,1%:
Պաշտոնապես գրանցված գործազուրկների թվաքանակը 2008թ.-ի
հունվարի վերջի դրությամբ կազմել է 72,3 հազար մարդ եւ նախորդ
տարվա նույն ամսվա համեմաը նվազել 14,5%-ով:
Անցած ամիս Հայաստանում միջին ամսական անվանական աշխատավարձը
կազմել է 84,353 հազար դրամ կամ 25,6%-ով ավելի, քան նախորդ տարվա
հունվարին: Բյուջետային հիմնարկների աշխատողների պարագայում այդ
ցուցանիշները կազմել են 61,239 հազար դրամ եւ 22,6%, իսկ ոչ
բյուջետային հիմնարկների աշխատողների պարագայում` 104,297 հազար
դրամ եւ 25%:
2008թ.-ի հունվարին Հայաստանի արտաքին առեւտրաշրջանառությունը
կազմել է 336,9 մլն դոլար կամ 29,4%-ով ավելի, քան նախորդ տարվա
հունվարին: Առանց ադամանդի այդ ցուցանիշները կազմել են 319,7 մլն
դոլար եւ 36,6%: Արտահանման ծավալը կազմել է 61 մլն դոլար եւ աճել
2,4%-ով, իսկ առանց ադամանդի` 52,7 մլն դոլար եւ աճել 12,7%-ով:
Ներմուծման ծավալը կազմել է 275,9 մլն դոլար եւ աճել 37,4%-ով,
իսկ առանց ադամանդի` 267 մլն դոլար եւ աճել 42,6%-ով:
ԱՄՆ դոլարի նկատմամբ հայկական դրամի միջին փոխարժեքը 2008թ.-ի
հունվարին կազմել է 306,83 դրամ` նախորդ ամբողջ տարվա 342,08 դրամ
միջին փոխարժեքի դիմաց: