ՌԻԳԱ, 21 ՀՈՒՆՎԱՐԻ, ՆՈՅՅԱՆ ՏԱՊԱՆ: Լատվիայի իշխանությունները
երկրից արտաքսում են Ռիգայի ռուսական դեսպանատան աշխատակիցներից
մեկին: Ինչպես հաղորդում է Delfi-ն, երկուշաբթի Լատվիայի ԱԳՆ
պետքարտուղարի պաշտոնակատար Էդգար Սկույան իր մոտ է հրավիրել
Ռուսաստանի դեսպան Վիկտոր Կալյուժնուն եւ նրան հանձնել նոտա,
համաձայն որի, Լատվիայից պետք է արտաքսվի Ռուսաստանի դեսպանության
աշխատակիցներից մեկը:
Ինչպես հայտնել են նախարարության մամլո ծառայությունում,
լատվիական կողմը իրավասու մարմինների տեղեկատվության հիման վրա
փաստել է, որ ռուսական դեսպանատան դիվանագետներից մեկը զբաղվել է
դիվանագիտական կարգավիճակին անհարիր գործունեությամբ: «Այդ
դիվանագետի գտնվելը երկրում սպառնալիք կստեղծի անվտանգության
համար»,- ասվում է նոտայում: