ԱՄՆ-Ի ԴԱՏԱՐԱՆԸ ՎԵՐՋԻՆ ՊԱՀԻՆ ԿԱՍԵՑՐԵԼ Է ՄԱՀԱՊԱՏԺԻ
ԻՐԱԿԱՆԱՑՈՒՄԸ
31-10-2007 14:25:00 | ԱՄՆ | Միջազգային
ՎԱՇԻՆԳՏՈՆ, 31 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 30-ին
ԱՄՆ-ի գերագույն դատարանը կասեցրել է մահվան դատավճռի իրագործումը
Միսիսիպիի նահանգում` համաձայնելով քննության առնել դատապարտյալի`
մարդասպան Էրլ Ուեսլի Բերրիի գործը:
Իրենց որոշումը երկրի դատական գերագույն մարմնի անդամները
կայացրել են դատավճռի կատարումից ընդամենը 19 րոպե առաջ: Բերրին
մինչ այդ արդեն վերջին սնունդն էր ընդունել եւ հրաժեշտ տվել իր
հարազատներին:
1987 թվականին ոմն Մերի Բաունդսի սպանության համար
դատապարտված Բերրին վիճարկում է ոչ թե դատավճիռը, այլ նրա
իրագործման եղանակը թույնի ներարկման օգնությամբ: Պատժի
առավելագույն չափի դատապարտվածը մահապատժի այդ տեսակը համարում է
«իր կատարած հանցագործությանը անհամարժեք եւ անհարկի ցավ
պատճառող»: