ԱՆԿԱՐԱՅՈՒՄ ԱՆՑԿԱՑՎԵԼ Է ՍԾՏՀ-Ի ԱՆԴԱՄ ԵՐԿՐՆԵՐԻ
ԱՐՏԳՈՐԾՆԱԽԱՐԱՐՆԵՐԻ ԽՈՐՀՐԴԻ 17-ՐԴ ՀԱՆԴԻՊՈՒՄԸ
25-10-2007 21:00:00 | Թուրքիա | Տնտեսություն
ԱՆԿԱՐԱ, 25 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 25-ին
Անկարայում կայացել է ՍԾՏՀ անդամ երկրների արտաքին գործերի
նախարարների խորհրդի 17-րդ հանդիպումը, որով ավարտվել է
կազմակերպությունում Թուրքիայի նախագահության շրջանը:
Խորհրդում Հայաստանը ներկայացրել է ՀՀ փոխարտգործնախար Արման
Կիրակոսյանը: Իր ելույթում նա կարեւորել է բազմակողմանի տնտեսական
համագործակցության դերը տարածաշրջանում խաղաղության, կայունության
եւ անվտանգության հաստատման առումով: Ա.Կիրակոսյանը նշել է, որ
Հայաստանն առանձնակի ուշադրություն է դարձնում տարածաշրջանի
տրանսպորտային ուղիների եւ ենթակառուցվածքների ընդլայնմանն ու
զարգացմանը;
Ըստ ՀՀ ԱԳՆ Մամուլի եւ տեղեկատվության վարչությունից «ՆՈՅՅԱՆ
ՏԱՊԱՆ»-ին տրամադրած հաղորդագրության, հանդիպման ավարտին ընդունվել
է «Անկարայի հռչակագիրը», որտեղ ամփոփվել են թուրքական
նախագահության արդյունքները եւ նախանշվել առաջիկայում
կազմակերպության գործունեության ուղղությունները: