ԽԱՐԲԻՆ, 24 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ռուսաստանը մտադիր չէ ռազմական դաշինք հիմնել Չինաստանի եւ Հնդկաստանի հետ, Խարբինում չին եւ հնդիկ իր գործընկերների հետ հանդիպումից հետո հայտարարել է ՌԴ ԱԳՆ ղեկավար Սերգեյ Լավրովը: «Մենք զարգացնում ենք համագործակցությունը երկկողմ հիմքի վրա եւ եռակողմ ձեւաչափով, Շանհայի համագործակցության կազմակերպության եւ այլ կառույցների շրջանակներում, ձգտում ենք անվտանգության առանցքային խնդիրները լուծել դիվանագիտական ուղիով` քաղաքական գործիչների բազմակողմ երկխոսության ծավալման միջոցով»,- ընդգծել է ռուս նախարարը: Նշվում է, որ ՌԴ, ՉԺՀ եւ Հնդկաստանի ԱԳՆ ղեկավարների հաջորդ եռակողմ հանդիպումը կկայանա 2008 թվականին Մոսկվայում:

---