ԵՐԵՎԱՆ, 16 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Կարմրուկի եւ կարմրախտի դեմ հոկտեմբերի 1-13-ին Հայաստանում անցկացված լրացուցիչ պատվաստումների շրջանակում սպասարկվել է բնակչության նախատեսված խմբի ավելի քան 90%-ը: Այս մասին հոկտեմբերի 16-ին լրագրողներին հայտնեց ՀՀ առողջապահության նախարար Հարություն Քուշկյանը: Հիշեցնենք, որ պատվաստումները իրականացվել են բնակչության 6-27 տարեկանների շրջանում, որոնց ընդհանուր թիվը հանրապետությունում կազմում է 800845:

---