ԴԵԼԻ, 15 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հնդկաստանի կառավարությանն առընթեր Անվտանգության կոմիտեն հավանություն է տվել Ռուսաստանից լրացուցիչ 40 Սու-30 ՄԿԻ կործանիչների գնման համար միջոցների հատկացմանը: Միաժամանակ, ինչպես հաղորդում է «Հինդու» թերթը, «կանաչ լույս» է վառվել հինգերորդ սերնդի կործանիչների համատեղ մշակման մասին ռուս գործընկերների հետ հնդկական կողմի համաձայնագիր ստորագրելու համար: Հնդկաստանի պաշտպանության նախարարության աղբյուրների համաձայն, Սու-30 ՄԿԻ-ի գնման նոր պայմանագիրը գնահատվում է ավելի քան 1,6 միլիարդ դոլար: Մատակարարումները ծրագրվում է իրականացնել մինչեւ 2010 թվականը:

---