ԲԵԼԳՐԱԴԸ ՄԵԿ ՄԻԼԻՈՆ ԵՎՐՈ Է ԱՌԱՋԱՐԿՈՒՄ ՄԼԱԴԻՉԻ ՄԱՍԻՆ
ՏԵՂԵԿԱՏՎՈՒԹՅԱՆ ՀԱՄԱՐ
12-10-2007 19:03:00 | | Միջազգային
ԲԵԼԳՐԱԴ, 12 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Սերբական
իշխանությունները մեկ միլիոն եվրո կվճարեն նրան, ով
տեղեկություններ կտրամադրի գեներալ Ռատկո Մլադիչի ներկայիս
գտնվելու վայրի մասին: Այդ գումարը կվճարվի միայն այն դեպքում, եթե
ստացված տվյալների հիման վրա հաջողվի ձերբակալել բոսնիական սերբերի
նախկին հրամանատարին: Այս որոշման մասին, որն ընդունվել է Սերբիայի
ազգային անվտանգության խորհրդի նիստում, հոկտեմբերի 12-ին լրագրողներին
հայտնել է Հաագայի դատարանի հետ համագործակցության ազգային խորհրդի
նախագահ Ռասիմ Լյայիչը:
250-հազարական եվրո կառավարությունը պատրաստ է վճարել
Սերբիայի երկու այլ քաղաքացիների մասին տեղեկատվության համար,
որոնց որոնում է Հաագան: Խոսքը Բոսնիայի սերբական հանրապետության
նախկին ոստիկանապետ Ստոյան Ժուպլյանինի եւ Սերբական Կրաինայի
Հանրապետության նախկին առաջնորդ Գորան Խաջիչի մասին է: