ԵՐԵՎԱՆ, 4 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 4-ին ՀՀ Ազգային Ժողովը առաջին ընթերցմամբ քննարկեց կառավարության հեղինակած օրինագիծը, որով փոփոխություններ եւ լրացումներ են նախատեսվում «Պետական նպաստների մասին» գործող օրենքում: Ըստ հիմնական զեկուցող, ՀՀ աշխատանքի եւ սոցիալական հարցերի նախարար Աղվան Վարդանյանի, նախագծով հստակեցվում են օրենքի տարընթերցման առիթ տվող դրույթները: Օրենքում նաեւ ավելացվում է նոր գլուխ ՀՀ զոհված ազգային հերոսի ընտանիքին նպաստի տրամադրման կարգի վերաբերյալ: Ըստ նախարարի, մինչ այժմ այդ կարգը սահմանվում էր կառավարության որոշմամբ:

---