ԵՐԵՎԱՆ, 26 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Հայաստանի պետական ճարտարագիտական համալսարանի (Պոլիտեխնիկ) Գիտական խորհրդի որոշմամբ «Սինոփսիս» ընկերության ռազմավարական շուկաների զարգացման գծով փոխնախագահ, «Սինոփսիս Արմենիա» ընկերության գլխավոր գործադիր տնօրեն Ռիչ Գոլդմանին շնորհվել է համալսարանի «Պատվավոր դոկտոր»-ի կոչում: Կոչումը շնորհվել է` հաշվի առնելով Ռ.Գոլդմանի ակնառու ծառայությունները ՀՊՃՀ-ում «արդյունաբերություն-համալսարան» արդյունավետ կրթական մոդելի զարգացման գործում: Բացի այդ, նկատի է առնվել նրա կողմից համալսարանի ասպիրանտների ու երիտասարդ դասախոսների համար միկրոէլեկտրոնիկայի բնագավառի արդիական թեմաներով դասախոսությունների շարքի անցկացումը: Նշենք, որ Ռ.Գոլդմանը ՀՊՃՀ-ի Հոգաբարձուների խորհրդի անդամ է:

---