ԵՐԵՎԱՆ, 12 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Արդարադատության նախարարության լիովին վերափոխված պաշտոնական կայքէջը այսուհետ կգործի նոր հասցեով` www.moj.am: Տեղեկացնելով այս մասին, արդարադատության նախարարությունը հավաստիացնում է, որ կայքէջը ստեղծելիս «մեծ ուշադրություն է դարձվել Եվրոպական դատարանի վճիռների հրապարակմանը»: Մասնավորապես, կայքէջում տեղադված է «Մկրտչյանն ընդդեմ Հայաստանի» վճռի պաշտոնապես թարգմանված հայերեն տարբերակը: Նախարարությունը նաեւ տեղեկացնում է, որ կայքէջը ընթերցողներին հնարավորություն է տալիս բաժանորդագրվելու, ընդսմին բաժանորդները կկարողանան մասնակցել քննարկումների, էլեկտրոնային հարցազրույցների, հարցումների եւ ծանոթանալ նախարարությունում իրականացվող միջոցառումներին, ծրագրերին, ստանալ նորություններ:

---