ՖՈՒՏԲՈԼԻ ՀԱՅԱՍՏԱՆԻ ԱԶԳԱՅԻՆ ՀԱՎԱՔԱԿԱՆԸ ԸՆԿԵՐԱԿԱՆ
ՀԱՆԴԻՊՈՒՄՆԵՐ ԿԱՆՑԿԱՑՆԻ ԿԻՊՐՈՍԻ ԵՎ ՄԱԼԹԱՅԻ ԸՆՏՐԱՆԻՆԵՐԻ ՀԵՏ
07-09-2007 20:00:00 | Հայաստան | Սպորտ
ԵՐԵՎԱՆ, 7 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Սեպտեմբերի 8-ին եւ
12-ին ֆուտբոլի Հայաստանի ազգային հավաքականը «Եվրո-2008»-ի
ընտրական փուլի խմբային մրցաշարի ծրագրով պետք է մրցեր Ադրբեջանի
թիմի հետ: Սակայն, ինչպես հայտնի է, ՈՒԵՖԱ-ն այս հանդիպումները
չեղյալ է հայտարարել: Փոխարենը Հայաստանի հավաքականը սեպտեմբերի
8-ին ընկերական խաղ կանցկացնի Կիպրոսում, իսկ սեպտեմբերի 12-ին`
Մալթայում` այդ երկրների հավաքականների հետ:
Նշենք, որ Հայաստանի հավաքականի գլխավոր մարզիչ Յան
Պորտերֆիլդը ներկա չի վտնվի այդ հանդիպումներին: Վերջինս
Շոտլանդիայում բուժման կուրս է անցնում: Նրան կփոխարինեն
օգնականները` անգլիացի Թոմ Ջոնսը եւ երեւանցի Վարդան Մինասյանը: