ԿԼՈՒԺ ՆԱՊՈԿԱ, 7 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Ջեորջե Էնեսկուի (George Enescu) անվան միջազգային երաժշտական փառատոնի շրջանակում սեպտեմբերի 5-ին Ռումինիայի Կլուժ Նապոկա քաղաքում Ռումինիայում Հայաստանի դեսպանության աջակցությամբ կայացել է «Տրանսիլվանիա» ("Transilvania") պետական ֆիլհարմոնիկ նվագախմբի համերգը` Արամ Խաչատրյանի ստեղծագործությունների ընդգրկմամբ: Արամ Խաչատրյանի ստեղծագործությունների ներառմամբ սա արդեն վեցերորդ համերգն էր, որ կազմակերպվել էր Հայաստանի դեսպանության կողմից 2007թ. իրականացվող մշակութային համագործակցության ծրագրերի շրջանակում: Ինչպես «ՆՈՅՅԱՆ ՏԱՊԱՆ»-ին հայտնեցին ՀՀ ԱԳՆ Մամուլի եւ տեղեկատվության վարչությունից, ծրագրի իրականացման գործում դեսպանությանը սատարում է Հայաստանի ֆիլհարմոնիկ նվագախումբը:

---