ՃՇՏՎՈՒՄ ԵՆ ԿԱՊԱՆՈՒՄ ՏԵՂԻ ՈՒՆԵՑԱԾ ՓԼՈՒԶՄԱՆ ՊԱՏՃԱՌՆԵՐԸ
03-08-2007 15:50:00 | Հայաստան | Հասարակություն
ԿԱՊԱՆ, 3 ՕԳՈՍՏՈՍԻ, ՆՈՅՅԱՆ ՏԱՊԱՆ: Առաջիկա օրերին կպարզվի
Կապանի Շահումյան թաղամասի արեւելյան հատվածում տեղի ունեցած
հողատարածքի փլուզման պատճառը: Oգոստոսի 1-ի ժամը 04:30-ին «Դինո
Գոլդ Մայնինգ Քամփնի» ՓԲԸ-ին (Կապանի նախկին լառնահարստացման
կոմբինատ) պատկանող նախկին պղնձամոլիբդենային հանքերի վրա տեղի
ունեցած փլուզումից առաջացել է 50-80 մետր շառավիղով եւ 40 մետր
խորությամբ հոր: Ըստ մասնագետների, նստվածքի շառավիղը աստիճանաբար
մեծանում է: Տարածքը ցանկապատվել է, սահմանվել է շուրջօրյա
հերթապահություն:
Ձեռնարկության ղեկավարները նշեցին, որ այստեղ պայթեցումներ
չեն արվում: Ավելին, նախորդ սեփականատերերերը նշված տարածքում
պայթեցման աշխատանքները դադարեցրել են 1999թ.-ին:
Ըստ Տեխնիկական անվտանգության ազգային կենտրոնի Սյունիքի
մասնաճյուղի ղեկավար Ռուբեն Մարտիրոսյանի, «Դինո Գոլդ Մայնինգ
Քամփնի» ընկերության անվտանգության բաժինը, գործող կարգի համաձայն,
եռօրյա ժամկետում պետք է ներկայացնի իր եզրակացությունը, որից հետո
միայն մասնաճյուղի հանձնախումբը կկատարի ուսումնասիրությւոններ ու
կտա վերջանական եզրակացությունը: