ԿՅԱՆՔԻՑ ՀԵՌԱՑԵԼ Է ԱՇԽԱՐՀԱՀՌՉԱԿ ՌԵԺԻՍՈՐ ԻՆԳՄԱՐ ԲԵՐԳՄԱՆԸ
30-07-2007 17:10:00 | Շվեդիա | Միջազգային
ՍՏՈԿՀՈԼՄ, 30 ՀՈՒԼԻՍԻ, ՆՈՅՅԱՆ ՏԱՊԱՆ: Շվեդիայում կյանքի 89-րդ
տարում վախճանվել է աշխարհահռչակ ռեժիսոր եւ դրամատուրգ Ինգմար
Բերգմանը: Բերգմանը ինն անգամ եղել է «Օսկար» մրցանակի դափնեկիր,
մինչդեռ իր ֆիլմերը այդ պարգեւին արժանացել են երեք անգամ` որպես
լավագույն արտասահմանյան կինոնկար, հաղորդում է Բի-բի-սին:
Համաշխարհային ճանաչում են ստացել 50-60-ական թթ. նրա
ռեժիսորական աշխատանքները` «Մորու բացատը», «Ամառային գիշերվա
ժպիտներ», «Յոթերորդ կնիք», «Պերսոնա», «Լռություն»:
Բերգմանը, որ իր ստեղծագործական ուղին սկսել է որպես
թատերական ռեժիսոր, բեմադրել է Իբսենի, Շեքսպիրի, Չեխովի,
Ստրինդբերգի պիեսները: