ՀՀ ԶՈՒ Հոգեւոր Առաջնորդն ընդունել է ԱՄՆ ՊՆ պետքարտուղարի փոխտեղակալին
06-07-2011 13:30:48 | Հայաստան | Հասարակություն
ՀՀ ԶՈՒ հոգեւոր առաջնորդ Տ. Վրթանես եպիսկոպոս Աբրահամյանն ընդունել է ԱՄՆ ՊՆ պետքարտուղարի փոխտեղակալ Սելեստե Վոլլանդերին եւ Հայաստանում ԱՄՆ դեսպանատան զինվորական կցորդ, գնդապետ Քենդլ Պարկսին:
Ողջունելով հյուրերի այցը հայոց հոգեւոր կենտրոն, Սրբազան Հայրը իր օրհնությունը բերեց նրանց եւ ներկայացրեց ՀՀ ԶՈՒ հոգեւոր առաջնորդության գործունեությունը եւ առաջիկա ծրագրերը:
Մեծապես կարեւորելով հոգեւորականի ներկայությունը բանակում, ԱՄՆ ՊՆ պետքարտուղարի փոխտեղակալը պատրաստակամություն հայտնեց կազմակերպել փոխադարձ այցելություններ՝ ԱՄՆ ԶՈՒ հոգեւոր ծառայության եւ ՀՀ ԶՈՒ հոգեւոր առաջնորդության միջեւ փորձի փախանակման եւ համագործակցություն ձեւավորման նպատակով:
Պատվիրակությունը այցելեց նաեւ Մայր Աթոռի թանգարաններ: