ՄԱԿ-Ի ՀԱՅԱՍՏԱՆՅԱՆ ԳՐԱՍԵՆՅԱԿԻ ՖԻՆԱՆՍԱՎՈՐՄԱՄԲ ՀԱՅԱՍՏԱՆՈՒՄ
ԱՆՑԿԱՑՎԵԼ Է ՓԱԽՍՏԱԿԱՆՆԵՐԻ ՀԱՇՎԱՌՈՒՄ
21-06-2007 19:25:00 | Հայաստան | Հասարակություն
ԵՐԵՎԱՆ, 21 ՀՈՒՆԻՍԻ, ՆՈՅՅԱՆ ՏԱՊԱՆ: ՀՀ Տարածքային կառավարման
նախարարության Միգրացիոն գործակալությունը վերջերս ավարտել է ՄԱԿ-ի
հայաստանյան գրասենյակի ֆինանսավորմամբ իրականացվող փախստականների
հաշվառումը, որի արդյունքները կամփոփվեն առաջիկա օրերին: Ինչպես
«ՆՈՅՅԱՆ ՏԱՊԱՆ»-ի թղթակցին հայտնեց գործակալության Փախստականների
հարցերի վարչության պետ Արա Հարությունյանը, վերջին հաշվառումը
իրականացվել է 1997թ.-ին, ըստ որի Հայաստանում հաշվառվել էր 311
հազար փախստական:
Ա.Հարությունյանը նշեց նաեւ, որ մինչ օրս ՀՀ քաղաքացիություն
է շնորհվել ավելի քան 80 հազար փախստականի: Նա նշեց, որ
փախստականները, քաղաքացիություն ընդունելով, չեն զրկվում մի շարք
արտոնություններից, այդ թվում նաեւ բնակարան ստանալու: