ԵՐԵՎԱՆ, 20 ՀՈՒՆԻՍԻ, ՆՈՅՅԱՆ ՏԱՊԱՆ: «Հայաստան» համահայկական հիմնադրամի գործադիր տնօրեն Նաիրա Մելքումյանը իր դիմումի համաձայն ազատվելէ աշխատանքից: Ինչպես «ՆՈՅՅԱՆ ՏԱՊԱՆ»-ին հայտնեցին հիմնադրամի Հասարակայնության հետ կապերի բաժնից, հունիսի 19-ի նիստում հիմնադրամի հոգաբարձուների խորհուրդը «Հայաստան» հիմնադրամի գործադիր վարչության տնօրենի պաշտոնում հաստատել է Վահե Աղաբեկյանցին: Վ.Աղաբեկյանցը ծնվել է Թեհրանում, կրթություն է ստացել Միացյալ Նահանգներում, որտեղ մի քանի հաջողված բիզնես կազմակերպություններ է հիմնել ՏՏ ոլորտում` համագործակցելով աշխարհի 500 խոշորագույն կազմակերպությունների հետ: Հայաստան է տեղափոխվել 1998-ին եւ 1999-ից աշխատել է որպես ՀՀ արտաքին գործերի նախարար Վարդան Օսկանյանի խորհրդական: Վերջին մեկուկես տարիներին ընթացքում Վ.Աղաբեկյանցը զբաղվել է մասնավորապես գյուղական համայնքների զարգացման ծրագրով:

---