ԼԻԲԱՆԱՆՈՒՄ ՔԱՂԱՔԱԿԱՆ ԱՀԱԲԵԿՈՒԹՅԱՆ ԶՈՀ Է ԴԱՐՁԵԼ ՀԱԿԱՍԻՐԻԱԿԱՆ
ՀԱՅՑՔՆԵՐՈՎ ԱՉՔԻ ԸՆԿՆՈՂ ՊԱՏԳԱՄԱՎՈՐԸ
14-06-2007 21:50:00 | Լիբանան | Միջազգային
ԲԵՅՐՈՒԹ, 14 ՀՈՒՆԻՍԻ, ՆՈՅՅԱՆ ՏԱՊԱՆ: Լիբանանցիներն այսօր
հրաժեշտ են տվել պատգամավոր Վալիդ Էյդուին, որը ահաբեկության զոհ է
դարձել:
Հունիսի 13-ին Բեյրութի թաղամասերից մեկում տեղի ունեցած
ահաբեկչական գործողության հետեւանքով զոհվել էր 10 մարդ, որոնց
թվում էին լիբանանյան խորհրդարանի հակասիրիական ճամբարի պատգամավոր
Վալիդ Էյդուն, նրա ավագ որդին եւ երկու թիկնապահները:
Վալիդ Էյդուն դարձավ 2005թ. փետրվարից ի վեր հակասիրիական
հայացքներով աչքի ընկնող 7-րդ սպանված խորհրդարանականը:
Նշենք, որ 2005թ. փետրվարին սպանվել էր Լիբանանի նախկին
վարչապետ Ռաֆիկ Հարիրին: