THE JERUSALEM POST. «ՊԵՆՏԱԳՈՆԸ ՊԱՏՐԱՍՏԵԼ Է ԻՐԱՆԻՆ
ՀԱՐՎԱԾԵԼՈՒ ԾՐԱԳԻՐ»
11-06-2007 19:09:00 | Իսլանդիա | Միջազգային
ԹԵԼ ԱՎԻՎ, 11 ՀՈՒՆԻՍԻ, ՆՈՅՅԱՆ ՏԱՊԱՆ: Պենտագոնը պատրաստել է
Իրանին հարվածելու ծրագիր: Այս մասին The Jerusalem Post-ին
հայտնել են ամերիկյան բանակի բարձրաստիճան սպաներ, որոնց անունները
չեն նշվում: Նրանք հաստատել են նաեւ, որ զինվորական
ղեկավարությունը լիովին պաշտպանում է Ջորջ Բուշին` միջուկային զենք
ստեղծել Թեհրանին թույլ չտալու նրա ցանկության առումով:
Բանակային միջավայրում այն համոզվածությունը կա, որ նախագահ
Բուշը ինչ-ինչ վճռական գործողություններ կձեռնարկի, ներառյալ
միջուկային արդյունաբերության օբյեկտների ոչնչացմանն ուղղված
ռազմական գործողություն, մինչեւ իր լիազորությունների ժամկետի
ավարտը:
Պենտագոնյան աղբյուրները նաեւ հնարավոր ռազմական գործողության
որոշ մանրամասներ են հայտնել: Նրանց պնդմամբ, հիմնական դեր
կվերապահվի ԱՄՆ-ի ՌՕՈՒ-ին եւ ՌԾՈՒ-ին: Վերջինս, իրադարձությունների
զարգացման տարբերակներից մեկի համաձայն, կապահովի Իրանի լիակատար
շրջափակումը, որպեսզի թույլ չտրվի նավթի արտահանում:
Մայիսի վերջին Պարսից ծոց են ժամանել ԱՄՆ-ի ՌԾՈՒ երկու
ավիակիր խմբավորումներ զորախաղերի մասնակցելու նպատակով: