ՀԱՅԼԻԳԵՆԴԱՄ, 8 ՀՈՒՆԻՍԻ, ՆՈՅՅԱՆ ՏԱՊԱՆ: Գերմանական Հայլիգենդամ քաղաքում կայացած Մեծ ութնյակի առաջնորդների գագաթնաժողովը մեծ հաջողություն է արձանագրել: Այս մասին ամփոփիչ մամլո ասուլիսի ժամանակ հայտարարել է Գերմանիայի կանցլեր Անգելա Մերկելը. «Ես կարող եմ ասել, որ սա հաջող գագաթնաժողով էր, քանի որ այստեղ ընդունվել են հեռու գնացող որոշումներ»,- նշել է Մերկելը: Գերմանիայի կանցլերը հատկապես ընդգծել է Ութնյակի` Երկրագնդի կլիմայի պաշտպանության կապակցությամբ իրականացվելիք միջոցառումների, աֆրիկյան պետություններին տրամադրվելիք օգնության շուրջ ձեռք բերված համաձայնությունները: Գերմանիայի կանցլերը նշել է նաեւ, որ Կոսովոյի կարգավիճակի հարցում մոտեցումները տարբեր են եղել:

---