ԵՐԵԽԱՆԵՐԻ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅԱՆ ՕՐԸ ԿՆՇՎԻ ԲՈԼՈՐ
ՄԱՐԶԵՐՈՒՄ ԵՎ ՄԱՆԿԱՏՆԵՐՈՒՄ
31-05-2007 18:25:00 | Հայաստան | Հասարակություն
ԵՐԵՎԱՆ, 31 ՄԱՅԻՍԻ, ՆՈՅՅԱՆ ՏԱՊԱՆ: Երեխաների իրավունքների
պաշտպանության միջազգային օրը` հունիսի 1-ին, Հայաստանի բոլոր
մարզերում եւ մանկատներում կանցկացվեն տոնական միջոցառումներ: Այս
մասին «ՆՈՅՅԱՆ ՏԱՊԱՆ»-ի թղթակցին հայտնեց ՀՀ Աշխատանքի եւ
սոցիալական հարցերի նախարարության Ընտանիքի, կանանց եւ երեխաների
հիմնահարցերի վարչության, Երեխաների հիմնահարցերի բաժնի պետ Լենա
Հայրապետյանը: Ըստ նրա, մասնավորապես, կանցկավեն կավճանկարների
մրցույթներ, փառատոններ, համերգներ:
Լ.Հայրապետյանը նշեց, որ ներկայումս Հայաստանում գործում են 8
պետական եւ 5 մասնավոր մանկատներ, որտեղ, համապատասխանաբար,
խնամվում են 890 եւ 250 երեխաներ: Նրա խոսքերով, ներկայումս
պետությունը իրականացնում է մանկատների երեխաներին ընտանիք
վերադարձնելու քաղաքականություն: