«ՎԵՐՋԻՆ ԶԱՆԳԻՆ» ՆՎԻՐՎԱԾ ՄԻՋՈՑԱՌՈՒՄՆԵՐԸ ԿԱՆՑԿԱՑՎԵՆ ՄԱՅԻՍԻ
25-ԻՆ
21-05-2007 17:37:00 | Հայաստան | Հասարակություն
ԵՐԵՎԱՆ, 21 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 25-ին ժամը 12-ին
Երեւանի հանրակրթական դպրոցներում կանցկացվեն «Վերջին զանգին»
նվիրված միջոցառումներ: Ինչպես մայիսի 21-ի ասուլիսում հայտնեց
Երեւանի փոխքաղաքապետ Կամո Արեյանը, այդ օրը Ազատության
հրապարակում կանցկացվի «Վերջին զանգին» նվիրված համերգ, որին
կմասնակցեն էստրադային երգիչներ, պարային խմբեր: Ըստ նրա,
հանձնարարական է տրվել ՀՀ Ոստիկանությանը, թաղապետարաններին, «Շտապ
օգնության» ծառայությանը, որպեսզի մայիսի 25-ին մայրաքաղաքում
պատշաճ մակարդակով իրականացվի հասարակական կարգի պահպանումը:
Ըստ Կ.Արեյանի, քաղաքապետը հանրակրթական դպրոցների
տնօրեններին զգուշացրել է, որպեսզի թույլ չտան ավարտական ճոխ
խնջույքների կազմակերպումը եւ այդ նպատակով մեծ գումարների
հավաքագրումը: Նշվեց, որ եթե այդպիսի դեպքեր արձանագրվեն, ապա
տնօրենները կհեռացվեն աշխատանքից: