ԵՐԵՎԱՆ, 18 ՄԱՅԻՍԻ, ՆՈՅՅԱՆ ՏԱՊԱՆ: Ոստիկանության Արմավիրի քննչական բաժանմունքում ավարտվել է ընտրողի կամքի ազատ իրականացմանը խոչընդոտելու փորձով հարուցված քրեական գործի նախաքննությունը. քրգործը մայիսի 18-ին ուղարկվել է Արմավիրի մարզի առաջին ատյանի դատարան: Նախաքննությամբ հիմնավորվել է, որ Արմավիր քաղաքի բնակիչ Եղիշե Սարգսյանը Բ.Գրիգորյանին, Ա.Խաչատրյանին եւ Գ.Կիրակոսյանին խոստացել է 10 հազարական դրամ` մայիսի 12-ի ԱԺ ընտրությունների քվեարկության օրը թիվ 21 ընտրատարածքում առաջադրված պատգամավորության թեկնածու Ալեքսան Պետրոսյանի օգտին քվեարկելու դիմաց:

---