ԵՊՀ-ՈՒՄ ԲԱՑՎԵՑ ՌՈՒՍ ՏԻԵԶԵՐԱԳՆԱՑ ՅՈՒՐԻ ԲԱՏՈՒՐԻՆԻ
ԼՈՒՍԱՆԿԱՐՆԵՐԻ ՑՈՒՑԱՀԱՆԴԵՍԸ
14-05-2007 18:45:00 | Հայաստան | Հասարակություն
ԵՐԵՎԱՆ, 14 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 14-ին Երեւանի
պետական համալսարանում ռուս տիեզերագնաց, պրոֆեսոր Յուրի Բատուրինի
«Կարճ հանդիպում երկրի հետ» խորագրով լուսանկարների ցուցահանդեսի
եւ ֆիլմի ցուցադրումով մեկնարկեց ԵԱՀԿ-ի երեւանյան գրասենյակի եւ
ԵՊՀ-ի նախաձեռնությամբ կազմակերպված միջոցառումների շարքը:
ԵԱՀԿ-ի երեւանյան գրասենյակի ղեկավար, դեսպան Վլադիմիր
Պրյախինը, ԵՊՀ-ի ռեկտոր Արամ Սիմոնյանը եւ ՀՀ Արտգործնախարարության
ներկայացուցիչ Արմեն Բայբուրդյանը իրենց խոսքում նշեցին
տիեզերագնացության ոլորտում Յու.Բատուրինի ունեցած մեծ ավանդը:
«Ինձ համար մեծ պատիվ է, որ Հայաստանում իմ լուսանկաների եւ
ֆիլմի առաջին հանդիսատեսը ԵՊՀ-ի պրոֆեսորադասախոսական կազմը եւ
ուսանողներն են»,- նշեց Յու.Բատուրինը:
Նա մայիսի 15-ին ԵՊՀ-ի ուսանողների համար կկարդա «Տիեզերքի
հետազոտությունը եւ միջազգային հարաբերությունների արդի խնդիրները»
թեմայով դասախոսություն: