ՀԱՅԱՍՏԱՆՈՒՄ ԱՊՐՈՒՄ ԵՆ ՀԱՅՐԵՆԱԿԱՆ ՊԱՏԵՐԱԶՄԻ 7190 ՎԵՏԵՐԱՆՆԵՐ
08-05-2007 18:20:00 | Հայաստան | Հասարակություն
ԵՐԵՎԱՆ, 8 ՄԱՅԻՍԻ, ՆՈՅՅԱՆ ՏԱՊԱՆ: Հայաստանում ներկայումս
ապրում են Հայրենական պատերազմի 7190 վետերաններ, որոնցից մոտ
6300-ը հաշմանդամներ են: Այս մասին «ՆՈՅՅԱՆ ՏԱՊԱՆ»-ի թղթակցին
հայտնեց ՀՀ Աշխատանքի եւ սոցիալական հարցերի նախարարության
Հաշմանդամների եւ տարեցների հիմնահարցերի վարչության պետի տեղակալ
Անահիտ Գեւորգյանը:
Նա նշեց, որ վետերանների կենսաթոշակի միջին չափը կազմում է 20
հազար դրամ (մոտ 56 ԱՄՆ դոլար): Բացի այդ, «Հայրենական պատերազմի
վետերանների» մասին ՀՀ օրենքի համաձայն, բոլոր վետերանները ստանում
են ամենամսյա պատվովճար` 10000 դրամ, իսկ 2004թ.-ից որոշ
արտոնությունների փոխարեն` 3800-5700 դրամ օգնություն:
Ա.Գեւորգյանը նշեց, որ վետերանները բնակվարձի, աղբահանության,
ռադիոյի եւ հեռախոսի բաժանորդային վարձավճարները մուծում են 50%-ի
չափով: Նրանք նաեւ օգտվում են անվճար բժշկական օգնություն,
դեղորայք, անհրաժեշտության դեպքում առողջարանային անվճար ուղեգիր
ստանալու, ինչպես նաեւ ԱՊՀ երկրների տարածքում տարին մեկ անգամ
անվճար երթեւեկելու արտոնություններից: