ԵՐԵՎԱՆ-ՄՈՍԿՎԱ ՉՎԵՐԹՆ ԻՐԱԿԱՆԱՑՆՈՂ ԻՆՔՆԱԹԻՌԸ ՎԵՐԱԴԱՐՁԵԼ ԵՎ
ՀԱՐԿԱԴՐՎԱԾ ՎԱՅՐԷՋՔ Է ԿԱՏԱՐԵԼ «ԶՎԱՐԹՆՈՑ» ՕԴԱՆԱՎԱԿԱՅԱՆՈՒՄ
20-02-2007 19:00:00 | Հայաստան | Հասարակություն
ԵՐԵՎԱՆ, 20 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 19-ին «Սիբիր»
ավիաընկերության Երեւան-Մոսկվա 906 չվերթը կատարելիս Վրաստանի
տարածքում Ա-319 օդանավի անիվների փեղկը բացվել է, ինչի պատճառով
օդանավի անձնակազմը ստիպված է եղել վայրէջք կատարելու համար ընտրել
մոտակա պահուստային օդանավակայան: Ինչպես «ՆՈՅՅԱՆ ՏԱՊԱՆ»-ի
թղթակցին հայտնեց ՀՀ Քաղավիացիայի վարչության պետի մամլո քարտուղար
Գայանե Դավթյանը, մոտակա` Թբիլիսիի կամ Մինվոդիի, օդանավակայանների
փոխարեն անձնակազմը ընտրել է «Զվարթնոցը», քանի որ այնտեղ էր
հնարավոր իրականացնել օդանավի զննումը բելգիական «Սաբինա տեխնիկ»
ընկերության կողմից:
«Զվարթնոցում» վայրէջք կատարելուց հետո ինքնաթիռի
ուղեւորներին Մոսկվա է տեղափոխել նույն ընկերության մեկ այլ`
ՏՈՒ-154, օդանավը: